Predsjednik Hrvatske građanske inicijative Adrijan Vuksanović, kao član delegacije Skupštine Crne Gore, prisustvovao je danas u Vatikanu sahrani pape Franja.
On je po završetku sv. mise zadušnice izjavio kako je Sveti Otac dar ne samo za Katoličku crkvu već i za čitav svijet.
“Svojim neumornim i nepokolebljivim zalaganjem za mir stekao je ljubav mnogih, a posebnom emocijom za ljude s društvene margine pokazao je veličinu svog karaktera. Čast mi je i radost što sam imao priliku biti danas u Vatikanu na molitvenom ispraćaju Svetog Oca. Iskustvo koje sam ovdje doživio nosim kao trajno nadahnuće i podsticaj za nasljedovanje univerzalnih principa i vrijednosti koje je promicao papa Franjo”, kazao je Vuksanović.
Na Trgu Sv. Petra danas se okupilo oko 250.000 vjernika i poštovalaca lika i djela 266. poglavara Katoličke crkve.
Izvor>antenam.net
