Foto:CDM
Pred nastavak turnira u Rimu, Novak Đoković je u intervjuu za “Korijere dela sera” govorio o odnosu sa dvojicom najvećih rivala u karijeri, Rodžerom Federerom i Rafaelom Nadalom.
Zajedničko je veliko poštovanje prema obojici.
„Nikada nismo bili prijatelji, to među rivalima nije moguće, ali nikada nismo bili ni neprijatelji. Oduvijek sam poštovao Federera, jedan je od najvećih svih vremena, imao je nevjerovatan uticaj, ali nikada nismo bili bliski“, rekao je Đoković.
Sa Nadalom je odnos malo drugačiji.
“Rafa je samo godinu stariji od mene, obojica smo blizanci u horoskopu, i u početku smo čak dvaput izašli na večeru. Ali, čak i s njim je prijateljstvo nemoguće. Oduvijek sam ga poštovao i mnogo mu se divio. Zahvaljujući Federeru i njemu postao sam to što jesam. To će nas zauvijek ujedinjavati, i zato osjećam zahvalnost prema njima. Nadal je dio mog života, u posljednjih petnaest godina više sam viđao njega nego svoju majku“, uz osmijeh je rekao Đoković.
Srpski teniser će danas od 11 sati u osmini finala Mastersa u Rimu igrati protiv Kamerona Norija.
Izvor:CDM
