WhatsApp dobio novu navigacijsku traku na Androidu

Radio Titograd

05.04.2024, 05:45h

< 1 min

Foto:Shutterstock

 

Popularna aplikacija WhatsApp dobila je novu donju navigacijsku traku, koja će biti na raspolaganju korisnicima uređaja s operativnim sistemom Android. Nova gornja navigacijska traka zamijenila je staru, koja je bila smještena u gornjem dijelu, a koja je imala četiri kartice, Communities, Chats, Status i Calls.

Iz WhatsAppa kažu da je nova navigacijska traka “bliža palčevima i blaža prema očima”, a ona takođe ima pomenute četiri kartice. Međutim, redoslijed je promijenjen, dok se Status sada naziva Updates. Pored toga, sve četiri sekcije imaju ikonice, za razliku od prethodne trake na kojoj je samo kartica Communities imala ikonicu. Takođe, stara navigacijska traka je bila zelene, dok je nova usvojila bijelu boju.

Prema tvrdnjama iz kompanije, “neke stvari su pomjerene kako bi im se lakše pristupalo”. To ima smisla jer je moguće prelaziti s kartice na karticu klizanjem lijevo ili desno po ekranu. Ako korisnik želi otvoriti karticu koja nije susjedna, on ne mora ispružiti palac do vrha ekrana jer je navigacijska traka sada mnogo bliže palcu, što korisniku omogućava da prelazi s kartice na karticu klikom na njihove ikonice.

Nova traka je dio nadogradnje aplikacije, koja polako stiže do svih korisnika širom svijeta.

 

 

Izvor:DAN

Podijeli na:

Titogradske vijesti, top2, Uncategorized

30.05.2024. u 18:02h

Skip to content