Ukrajina: Ruska ofanziva u Harkovu zaustavljena; SAD priprema novi paket pomoći Kijevu

Radio Titograd

24.05.2024, 07:52h

< 1 min

Foto:Guliver

 

Generalštab ukrajinske vojske tvrdi da je u oblasti Harkova, ruska ofanziva zaustavljena. Glavnokomandujući Oleksandr Sirski kaže da se ruska vojska potpuno zaglibila u uličnim borbama za Vovčansk. Sjedinjene Američke Države pripremaju novi paket vojne pomoći Ukrajini vrihedan 275 miliona dolara, koji bi, kako prenose agencije, trebalo da objave danas.

Šta se dešavalo juče

Sedmoro ljudi je poginulo, a najmanje 20 ih je ranjeno u novom ruskom udaru na Harkov, kada je pogođena štamparija.

Međutim, Generalštab ukrajinske vojske tvrdi da je u oblasti Harkova, ruska ofanziva zaustavljena: “neprijatelj je vezan u borbama i prinuđen da prebaci rezerve iz drugih oblasti”.

Glavnokomandujući Oružanih snaga Oleksandr Sirski kaže da je u toj oblasti vojska Ruske Federacije poslije manjih uspjeha u ofanzivnim operacijama potpuno zaglibila u uličnim borbama za Vovčansk.

Rusija nije komentarisala te tvrdnje, ali jeste objavila da je preuzela kontrolu nad selom Andrejevka, jugozapadno od Bahmuta, u istočnom ukrajinskom regionu Donjecka.

Sjedinjene Američke Države pripremaju novi paket vojne pomoći Ukrajini vrijedan 275 miliona dolara i planiraju da ga danas objave, prenose agencije.

Vladimir Putin odgovara na zamrzavanje ruske imovine konfiskacijom američke. Potpisao je dekret kojim se pokreće utvrđivanje i identifikacije američke imovine koja će biti upotrijebljena kao kompenzacija za oko 300 milijardi dolara ruskih fondova zamrznutih na Zapadu.

Dok se ruski lider bavi konfiskacijom, ukrajinski obavještajci traže Putinove “bunkere”. Navode da su informacije o bunkerima poznate i da se stalno ažuriraju. Međutim, obavještajna služba nije precizirala koliko tačno podzemnih skrovišta Putin ima.

Komentarišući riječi britanskog ministra odbrane Granta Šapsa da “Peking već pruža ili se sprema da pruži smrtonosnu pomoć Moskvi za rat protiv Ukrajine”, predstavnik Ministarstva spoljnih poslova Vang Venbin je osudio “neosnovanu i neodgovornu kampanju klevetanja Kine”.

Posebno je istakao da informacije Londona nisu potvrđene čak ni u Sjedinjenim Američkim Državama.

 

 

Izvor:CDM

Podijeli na:

Titogradske vijesti, top2

13.06.2024. u 19:05h

Extra +, Titogradske vijesti, top2

13.06.2024. u 16:17h

Skip to content