Rusija ljude koji se vraćaju iz kineskog Vuhana šalje u Sibir

Rusija će ljude koji se u tu zemlju vraćaju iz kineskog Vuhana, epicentra koronavirusa, poslati u Sibir.

U Sibiru će za evakuisane iz provincije Hubej, koja okružuje Vuhan, biti postavlje karantin, potvrdila je zamjenica ruskog premijera Tatjana Golikova.

Prema državnoj novinskoj agenciji, Golikova je novinarima rekla da će povratnici iz Hubeija biti dvije nedjelje izolovani u sibirskoj regiji Tumen, jer je to “najpripremljenije područje”.

“Želim da umirim sve i kažem da su građani koji lete iz Vuhana i Hubeija zdravi”, rekla je Golikova.

“Naši kolege iz Kine ne dopuštaju onima koji su zaraženi da napuste njihovu teritoriju, da odu iz karantina”, dodala je.

 Izvor: index.hr